सम्बन्धित समुदायको विभिन्न समुदायका छोराछोरीहरुलाई पहुँच तथा सहुलियत तरिकाले शिक्षा हाँसिल होस उदेश्यले वि.स. २००९ सालमा गा.वि.स. कटैया हर्दिया, हाल रुपनी गा.पा. वार्ड न. ३ का समाजसेवी श्री खुशी लाल मण्डल, श्री महन्थी मण्डल, श्री गांगाराम ईसर, श्री कारी मुखिया र श्री मेहीलाल साहको नेतृत्वमा यस विद्यालयको स्थापना भएको हो । यस समुदायका सम्पूर्ण जनताहरुको सहयोगमा यस विद्यालयको स्थापना भएकोले गर्दा यस विद्यालयको नमाकरण श्री राष्ट्रिय प्राथमिक विद्यालय कटैया हर्दिया भयो । सर्वप्रथम वि.स. २०१० साल ९ महिना ३० गते स्वीकृति पायो । वि.स. २०५६ साल १० महिना ३ गते निम्न माध्यमिक तहको स्वीकृति प्राप्त गरि उक्त विद्यालय २०६९ सालमा माध्यमिक कक्षा संचालन गर्न अनुमति प्राप्त भयो । माध्यमिक तह संचालन एवं व्यवस्थापन स्थानीय जनताहरुको सहयोग तथा योगदान रहेको छ ।

विद्यालय स्थापना कालदेखि समुदाय र विद्यालयबीच सुुुमधुर सम्बन्ध रहदै आएको विद्यालयलाई आवश्यक पर्ने सल्लाह सुझाव तथा समुदायबाट प्राप्त गर्दै आइरहेको छ । यस विद्यालयमा विभिन्न जातजाती (राजधोव, यादब, तेली, मुखिया, बाँतर, खत्वे, कुशवाहा, दुसाद, डोम, चमार) अध्ययन गर्छन् । यहाँ बसोबास गर्ने खास गरेर हिन्दु धर्माम्बलम्बी परम्पराका छन् । यस समुदायका मानिसहरुको जीवनस्तर समान्य किसिमको छन् । यस क्षेत्रका अधिकांस मानिसहरुको मातृभाषा मैथली छन् ।